Պարզաբանումներ
Սովորողի բլոգում տեղադրվում է ուսուցչի առաջարկած օրվա, շաբաթվա, ամսվա աշխատակարգը, որից պարզ է դառնում ուսումնական պարապմունքի կազմակերպման ձևը, տեսակը, վայրը:
Ինչու է սա անհրաժեշտ, որպեսզի ուսուցիչն իր բլոգում արտացոլի դասարանում արված աշխատանքը, ծնողը հասկանա, տեսնի, թե իր երեխան դասարանում ինչ է անում։ Սովորողի գործունեությունը վերահսկելի է դառնում։
Ուսումնական տվյալ շրջանի համար ուսուցչի ներկայացրած աշխատակարգում արտացոլվում է գնահատման նախագիծը՝ իր բաղկացուցիչներով։
Գնահատումը՝ որպես ուսումնական նախագիծ, տարբերակն իր մեջ ներառում է ինքնաստուգում, ստուգում, բնութագիր, անդրադարձ արված աշխատանքին։
Գնահատման նախագծի մի տարբերակ․ առաջարկ, բացատրություն։
- սովորողի բլոգի համապատասխան բաժնում ( Գնահատում) հրապարակվում է պարապմունքների բովանդակությունը՝ հղումներ ուսուցչի բլոգից
- պարապմունքների ընթացքում իր կատարած աշխատանքները, որոնք կարող են շարունակվել տանը, լրացվել ավելի ուշ
- սովորողը աշխատում է գնահատման նախագծի վրա՝ անդրադարձ կատարելով իր ամսվա աշխատանքին, փաստարկելով
- ուսուցիչն իր բլոգում ամփոփում է նախագիծը՝ անդրադառնալով սովորողի կատարած աշխատանքին, դիտարկելով տրված պատասխանների համապատասխանությունը իրական աշխատանքին, ուշադրություն հրավիրելով թերացումների, հաջողությունների վրա, հաջորդ ամսվա աշխատանքի համար կոնկրետ առաջարկներ անելով
- Ուսուցչի դիտարկումներն ուղղված են լինում աշխատանքի գնահատմանը, օգնում սովորողին այլ աչքով նայել, անդրադառնալ արվածին, հետևություններ անել, առաջ գնալու ճանապարհներ են մատնանշվում
- սովորողի աշխատանքը թվային գնահատում չի ստանում. բլոգում հրապարակված գնահատման նախագիծն արդեն արտացոլում է սովորողի կատարած աշխատանքը
- Անհրաժեշտության դեպքում Գնահատման նախագիծը կարող է թվանշանային տեսք ստանալ
- Աշխատանքն իրականացվում է սովորողի բլոգում, ամփոփովում դասավանդողի բլոգում, որպեսզի բաց և տեսանելի լինի բոլորին, հնարավոր լինի լրացումներ անել։
- Աշխատանքի հղումը տեղադրվում է գնահատման մատյանում։