Գնահատում են ծնողն ու սովորողը, ամփոփում՝ ուսուցիչը։
«Գնահատում» նախագիծն իրականացնող դասավանդողի ուսումնական ծանրաբեռնվածության մեջ հաշվարկվում է նախագիծն իրականացնելու ժամանակը՝ ասենք՝ 4 ժամ։
Ամփոփիչ նախագիծն իրականացվում է յուրաքանչյուր ուսումնական շրջանի ավարտին նախորդող շաբաթվա ընթացքում։
Նախագիծն համագործակցային է՝ ընտանեկան-դպրոցական է, իրականացնում են սովորողն ու ծնողը, ուսուցիչը։
Սովորողը
Բլոգի համապատասխան էջում է հավաքում տվյալ ուսումնական շրջանում «Գնահատում» նախագծով իրականացրած աշխատանքները։
Ծնողը (խնամակալը)
Ծանոթանում է իր երեխայի կատարած աշխատանքին։
Սովորողը, ծնողը
Ծնողը սովորողի հետ կամ մենակ գնահատում է իր երեխայի աշխատանքը՝ ամփոփիչ տեքստում նշելով բացթողումները, հաջողված հատվածները, առաջընթացը, լրացումները, ձեռքբերումները, այլ։
Եթե սովորողի ծնողը, տարբեր պատճառներով, չի կատարում այս աշխատանքը, այն կատարում է սովորողը։
Ուսուցիչը
- Ծանոթանում է ընտանեկան նախագծին
- Հղումը տեղադրում իր բլոգում
- Անում համապատասխան դիտարկումներ՝ առաջարկներ, լրացումներ, անհամաձայնություն, սովորողի հաջողության մատնանշում, այլ։
Մարգարիտ Սարգսյան 